ITGI layihəsinin əsas üstünlüklərindən biri onun genişlənə bilmə imkanlarının olmasıdır
Nabukko” Azərbaycan qazının nəqli üçün ITGI-dən (Interconnector Turkey-Greece-Italy) sonrakı mərhələ ola bilər. Bu sözləri Yunanıstanın DEPA şirkətinin prezidenti Harris Sacinis Bakıda keçirilən mətbuat konfransında bildirmişdir. Azərbaycan qazını Avropaya nəqlində ilk mərhələ üçün ən yaxşı variantın ITGI layihəsi olduğunu söyləyən H.Sacinis demişdir ki, biz Cənub-Şərqi Avropa ölkələrinin qazla təminatına 2012-2013-cü ildən etibarən başlamağa hazırıq. “Şahdəniz” qazı nəql olunmağa başlayanda isə biz bu qazı İtaliya və onun vasitəsilə digər Avropa ölkələrinə çatdıra bilərik. Bizim layihə ən real və dolğun layihədir. ITGI üzrə işlərin tez və daha ucuz başa gələcəyini vurğulayan H.Saçinis qeyd etmişdir ki, birinci mərhələdə ITGI 10 milyard kubmetr qazın nəqlinə imkan verəcəkdir. İlkin variantda 1 milyard kubmetr qaz Bolqarıstana, 1 milyard kubmetr digər Cənub-Şərqi Avropa ölkələrinə, 8 milyard kubmetr qaz isə İtaliya və oradan keçməklə digər ölkələrə nəql ediləcəkdir. Amma biz bu nisbətləri lazım olsa, dəyişə bilərik. O bildirmişdir ki, ITGI-nin əsas üstünlüklərindən biri onun genişlənə bilmə imkanlarının olmasıdır. Məsələn, Yunanıstana verilən qazın həcmi 3 milyard kubmetrə, İtaliyaya verilən qazın həcmi 16 milyard kubmetrə qədər artırıla bilər. Ümumilikdə layihənin ixrac həcmi 24 milyard kubmetrə çatdırıla bilər ki, bu da başqa layihələrlə müqayisədə çox böyükdür. //AzərTAc
Nabukko” Azərbaycan qazının nəqli üçün ITGI-dən (Interconnector Turkey-Greece-Italy) sonrakı mərhələ ola bilər.
