Bank
of Baku Facebook sosial şəbəkəsində keçirdiyi “Görəsən, pullar harada gizlənir?”
fotomüsabiqəsinə yekun vurub, ən çox səs yığan iştirakçılarını müəyyən etdi və
mükafatlandırdı.
Xatırladaq
ki, 18 iyul 2011-ci il tarixində start verən müsabiqənin əsas şərti pulların
gizlənə biləcəyi ən qeyri-adi, məzəli yeri təsvir edən fotoşəkilləri çəkib təşkilat
komitəsinə təqdim etmək idi. Nəticədə, fotomüsabiqəyə 200-ə yaxın şəkil göndərilmişdir,
lakin onların sırasından şərtlərə cavab verən 110 fotoşəkil seçilib qəbul
olunmuşdur. Bütün fətoşəkillərlə https://www.facebook.com/bankofbaku#!/media/set/?set=a.232043703513269.72900.121234001260907&type=1 ünvanında tanış olmaq olar.
Qeyd
edək ki, qalib şəkillər Bank of Baku-nun Facebook-dakı səhifəsində 1 ay davam
edən səsvermə nəticəsində ən çox səs sayına görə müəyyənləşiblər. Beləliklə,
bankın ilk üçlüyü:
I yer – Teymur
Əliyev, 11165 səs
Hədiyyə: 1000 AZN,
Visa Deposit Card, pulsuz İnternet-bankinq və SMS-bankinq xidmətləri
II yer – Vüqar
Qasımzadə, 10816 səs
Hədiyyə: 700 AZN,
Visa Deposit Card, pulsuz İnternet-bankinq və SMS-bankinq xidmətləri
III yer – Fərid
Axundov, 10724 səs
Hədiyyə: 500 AZN,
Visa Deposit Card, pulsuz İnternet-bankinq və SMS-bankinq xidmətləri
Həmçinin, müsabiqə zamanı Elnarə Qaraşarova və Asif
Babayevə məxsus olan şəkillər Bank of Baku-nun simpatiyasını qazanaraq əlavə hədiyyələrə
layiq görüldülər. Belə ki, hər bir müəllifə bankdan 250 AZN məbləğində pul
mükafatı, pulsuz Visa Deposit Card İnternet-bankinq və SMS-bankinq xidmətləri hədiyyə
olundu. Eyni zamanda, Bank of Baku müsabiqənin ilk onluğuna düşən müəlliflərə də
hədiyyələr təqdim edəcək.
Mükafatlandırmadan
sonra müsahibə zamanı xoşbəxt qaliblərimiz bunları bildirdilər:
Teymur Əliyev, Bakı biznes universitetinin 3-cü
kurs tələbəsi:
-
Müsabiqə
haqqında dostlarım mənə dedi. Mən də müsabiqənin Bank of Baku tərəfindən
keçirildiyini eşidəndə iştirak etməyə qərar verdim, çünki bizim ailəmiz Bank of
Baku-nun müştərisidir və biz bu banka çox etibar edirik. Sağ olsun dostlarım, onların
köməyi ilə müsabiqədə 1-ci oldum. Fürsətdən istifadə edib Bank of Baku-ya öz
təşəkkürümü bildirirəm, istərdim ki, Bank of Baku tez-tez belə müsabiqələr
təşkil etsin, Azərbaycanda dünya səviyyəli banklardan biri olsun!
Vüqar Qasımzadə, Milli Aviasiya Akademiyasının 2-ci
kurs tələbəsi:
-
Sözün
düzü, dostlarım mənə belə bir şəkil çəkib müsabiqəyə göndərməyimi məsləhət
gördülər. Güclü rəqabətin olmasına baxmayaraq məhz dostların sayəsində müsabiqədə
kifayət qədər səs yığa bilmişəm. Bank of Baku-ya öz təşəkkürümü bildirirəm və böyük
nailiyyətlər arzulayıram!
Fərid Axundov, Memarlıq və inşaat universitetinin
2-ci kurs tələbəsi:
-
Bank
of Baku-nun Facebook-dakı səhifəsində müsabiqə haqqında elanı oxuyanda
fikirləşdim ki, pulların kitabın arasında gizlədilməsini çəkib sizə göndərim.
Hərdən bir bu üsula özüm də əl atıram (gülümsəyir),
daha çox uşaqlıqda pulları belə gizlədirdim. Dostlarım Facebook-un bir çox
səhifələrində şəklimi paylaşdılar, buna görə də bu qədər səs yığa bilmişəm.
Elnarə Qaraşarova, FHN-nin “Azərinşaatlayihə” layihə
institutunun smeta şöbəsinin operatoru:
-
İlk
növbədə Bank of Baku-ya şəklimi bankın simpatiyası kimi seçməsinə görə öz
təşəkkürümü bildirirəm. Həmçinin, çox sevinirəm ki, mənə kənar insanlar da səs
verirdilər. Şəkil barədə onu deyə bilərəm ki, əvvəl, balaca olanda, tikiş və
toxuma ilə maraqlanırdım və şəkildə göstərilən kimi pullarımı gizlədirdim.
Asif Babayev,
proqrammist, ailəlidir, bir oğlu var:
-
Bilirsiz,
digər şəkillərin necə olacağını təxminən təsəvvür etmişdim və istədim ki, mənim
şəklim orijinal və maraqlı olsun. Şəklin ideyası isə “Brilliant əl”
kinofilmindən yarandı. Mən də öz növbəmdə Bank of Baku-ya şəklimi bankın
simpatiyası kimi seçməsinə görə öz təşəkkürümü bildirirəm və fəaliyyətində
uğurlar arzulayıram.
Onu
da qeyd edək ki, təqdim olunan şəkillər arasında bir sıra maraqlı ideyalar var
idi və bu, pulları üçün gizli yer axtarıb-fikirləşən əhalinin böyük
fantaziyasının göstəricisidir. Bununla belə, Bank of Baku olaraq etiraf edək
ki, pulları gizlətmək üçün nə qədər də gözə görünməz yer tapılsa belə, ən etibarlı
və faydalısı məhz bankdır. Xatırladaq ki, hal-hazırda Bank of Baku əhaliyə çox
rahat “Dinamik” və “Çevik” əmanət növlərini təklif
edir. Əmanət növlərinin illik faiz dərəcələri, müddəti və digər şərtləri
haqqında daha ətraflı məlumat http://www.bankofbaku.com/az/deposits.htm ünvanında təqdim
olunub.
Bank of Baku-nun fəaliyyəti və kampaniyaları
haqqında daha ətraflı məlumatı bankın Məlumat mərkəzi 145 nömrəsi vasitəsilə,
www.bankofbaku.com web-saytında,
həmin saytda fəaliyyət göstərən “Onlayn-məsləhətçi” xidmətinə
müraciət edərək və ya bankın Facebook sosial şəbəkəsində www.facebook.com/bankofbaku ünvanında fəaliyyət göstərən rəsmi səhifəsində əldə
etmək olar.
əlavə edilmə : 26 / 10 / 2011 13:37
oxuma sayı : 193
Firma/Təşkilat adı : ECONEWS.AZ
|
